“Ijod-Press” nashriyotining brayl kitoblari nashrdan chiqdi

“Ijod-Press” nashriyotining brayl kitoblari nashrdan chiqdi 19.03.2023 12:20

“Dizayn-Print” bosmaxonasining “Ijod-Press” nashriyot bo‘limi bir qancha yillardan beri badiiy asarlar, ilmiy-ommabop, o‘quv qo‘llanma, lug‘at kabi turfa kitoblar nashr etib kelmoqda. O‘tgan yillardan boshlab mazkur bosmaxonada bir necha bosqichli modernizatsiya ishlari amalga oshirilishga kirishildi. Dastgohlar yangilandi, so‘nggi rusumdagi uskunalar keltirildi, binolar Yevropa standartida ta'mirlandi, xodimlarga barcha shart-sharoitlar muhayyo etildi. Shu bilan birga bosmaxonada imkoniyati cheklangan ko‘zi ojizlar uchun brayl kitoblarini nashr etish ham yo‘lga qo‘yildi. Buning uchun Shvetsiya va Yaponiyada ishlab chiqarilgan maxsus uskunalar keltirildi. Brayl kitoblarni tayyorlash, tahrir qilish, korrekturadan o‘tkazish uchun imkoniyati cheklangan ko‘zi ojiz mutaxassislar ishga qabul qilindi. Ularni uskunalardan foydalanishga va kitobni sifatli nashr etishga o‘qitish-o‘rgatish uchun esa Shvetsiyaning “Indeks-Brayl” kompaniyasining Osiyo bo‘yicha mas'ul xodimi Anna Lau Malayziyadan tashrif buyurdi va maxsus treninglar o‘tkazdi.

Bugungi kunda “Dizayn-Print”ning maxsus maktablar va maktab-internat o‘quvchilari uchun rus tili va ingliz tili darsliklari chop etilib, o‘quvchilar qo‘liga yetib bordi. Hozirda darsliklardan tashqari badiiy kitoblar ham nashr etilishi arafasida. Xususan, yozuvchi Nabijon Hoshimovning “Ko‘zi ojiz oligarx” qissasi ham ilk bor brayl yozuvida kitobxonlarga taqdim etiladi.

Shu o‘rinda aytib ko‘rish kerakki, imkoniyat cheklangan ko‘zi ojizlar uchun brayl yozuvidagi kitoblar nashr etish uchun nashriyot va bosmaxona axtarib yurganlar nashriyotning brayl kitoblar bo‘yicha muharririga murojaat qilishlari mumkin. Kitoblar sifatli va a'lo darajada tayyorlab beriladi. Bog‘lanish uchun telefon raqam: +998 94 417-88-00.

Ushbu www.uz.ijodpress.uz saytimizning “Brayl kitoblar” bo‘limida esa nashrdan chiqqan barcha brayl kitoblar bilan tanishishingiz mumkin. Havola: www.uz.ijodpress.uz/brajl-kitoblar