“DIZAYN-PRINT” BOSMAXONASI “O‘ZEKSPOMARKAZ”DAGI KO‘RGAZMADA ISHTIROK ETDI

“DIZAYN-PRINT” BOSMAXONASI “O‘ZEKSPOMARKAZ”DAGI KO‘RGAZMADA ISHTIROK ETDI 29.11.2022 13:54

“O‘zekspomarkaz”da o‘tkazilgan ishlab chiqaruvchilarning navbatdagi ko‘rgazmasida “Dizayn-Print” bosmaxonasi ham o‘z mahsulotlari bilan ishtirok etdi. Uch kun davom etgan ko‘rgazma kunlarida bosmaxona mahsulotlari bilan tanishgan ishtirokchilar o‘z bizneslari uchun turli bosma-matbaa buyurtmalarini berishdi. Aslida “O‘zekspomarkaz”da tashkil etilgan mazkur ko‘rgazmadan maqsad ham shu: ishlab chiqaruvchi tadbirkorlar o‘z mollaridan namunalar olib chiqadi, boshqa turdagi tadbirkorlar esa o‘z bizneslari uchun kerakli mahsulotlar bilan tanishib, o‘zaro shartnomalar imzolaydilar.

“Dizayn-Print” bosmaxonasining maxsus bosma uskunalar bo‘limi sanoat mollari, farmatsevtika mahsulotlari kabilar uchun etiketkalar, yorliqlar, shuningdek, barcha buyurtmachilar uchun buklet, flayerlar chop etadi, turli karton qutilar, qog‘oz sumkalar tayyorlaydi. Xalq ta'limi vazirligi, Sog‘liqni saqlash vazirligi, Maktabgacha ta'lim vazirligi hamda Tibbiy-ijtimoiy xizmatlarni rivojlantirish agentligi va boshqa davlat tashkilotlarining buyurtmalarini, shuningdek, oziq-ovqat va nooziq-ovqat, farmatsevtika sanoati, trikotaj sanoatining yuqori darajadagi sifatli buyurtmalarini – darslik, o‘quv qo‘llanma, metodik qo‘llanma, bolalar uchun har turdagi bosma mahsulotlar, qog‘oz qutilar, etiketkalar, blank, jurnal, buklet, bloknot, papka, Brayl yozuvidagi kitoblar va boshqa turdagi bosma mahsulotlarni sifatli darajada ishlab chiqarishni boshlagan. Bugungi shiddatli rivojlanish davrida bir-biriga bog‘langan tadbirkorlik rishtalarini bog‘lash uchun faqat reklamaning o‘zi kamlik qiladi. Bu jarayonda “O‘zekspomarkaz” Milliy ko‘rgazma kompaniyasining tashkilotchiligi ham alohida muhim ahamiyat kasb etadi.

“Dizayn-Print” bosmaxonasiga sanoat va trikotaj mollari uchun etiketkalar, karton qutilar, qog‘oz sumkalar kabilarni, shuningdek, kitob-matbaa mahsulotlarini buyurtma beruvchilar suratdagi yoki quyida berilgan raqamlarga qo‘ng‘iroq qilishlari kifoya. Bunday ko‘rgazmalar tez-tez o‘tkazilib turishi esa biznesni jahon standartiga yaqinlashtiradi va xaridorgirligini oshiradi. Mamlakatimiz iqtisodiyotining rivojlanishida shu tariqa har bir korxona, har bir tashkilotchi ishtirok etishi taraqqiyotimiz garovidir.

“Dizayn-Print” bosmaxonasining hamma turdagi nashriyot-matbaa xizmatlari bo‘yicha telefon raqamlari:

+998 97 700-9009

+998 88 200-9009

+998 99 955-5551